Femafuti ɲεmɔgɔ sugandili kalata kεra kunun tarata utikalo tile 29 san 2023, Bamakɔ lajεkεsoba CICB la. A ma kε balanako ye, sabula tɔgɔsεbεn kelen dɔrɔn de tun bε yen, kalata bε kε min tɔgɔ la. O ɲεmɔgɔ ye Mamutu Ture « Bawuye » ye. A ye sebaaya sɔrɔ ; kalatala 63 la, 61 y’u kan di a ma k’u ka dannaya da a kan kokura.
Bawuye bε kaso la kabini utialo tile 9 san 2023. O la, a tun tε kεnε kan ; nka o ma kalata bali ka kε a n’a nɔfεmɔgɔw tɔgɔ la. Kulukɔrɔ, Tumutu ani Kidali maraw ka ligiw, ka fara tɔn naani kan (COB, Tumutu Aweniri, Kidali Atari kulɔbu ani Buru Masa, olu kɔni ma ye kεnε kan.
O ligiw ni tɔnw tun bε k’u ka dannaya da Salaha Babi de kan ; nka sɔn ma kε o ka jɔyɔrɔ ɲininsεbεn na. Kayi, Sikaso, Segu, Moti, Gawo ani Bamakɔ ligiw, ka fara AS Bakarijan, Sitadimaliyεn, Ereyali, Ɔnzukereyatεri, AS Polisi, Joliba, Usfas, USC Kita, US Bugunin, AS Badalabugu Bilaki sitari, Afiriki futuboli eliti (AFE), Binga FC, ASIKO, US Buguba, Arisenali talan sipɔri (ATS), Kucala AS Alesɔn, Segu (ASAC), Simbo FC, Gawo Soni, Manden AS Geriye ani Moti AS Sabana, olu de tun bε kεnε kan.
Farikoloɲεnajε jεkulu saba wεrε ka cidenw tun bε yen ; i n’a fɔ (Unafom), farikoloɲεnajε kεnεyako jεkulu ani (AMEFOOT). Fεn min ye kala tali ye, cogoya saba de dajira cidenw na : karitɔn nugujima ye « awɔ » ye, karitɔn bilenman ye « ayi » ye, karitɔn bulaman ye sɔminε ye. Ligi fεn o fεn kofɔlen don, o bεε ka ciden saba-saba ye kala ta.
Kulɔbu minnu bε sigidama 1 ni 2 la olu ka mɔgɔ fila-fila dara u kan kalata la k’a laban ni farikoloɲεnajε kunkan jεkulu saba in ka mɔgɔ kelen-kelen ye. Lakananbaaw tun ka ca yɔrɔ la kosεbε ka basigi sabati ; o de la mankan ma kε. Nka sanni kalata ka daminε, FIFA ka ciden Ogusitεn Sεngɔri, « CAF » ɲεmɔgɔba dankan fɔlɔ ni Sεnεgali ntolantan tɔnba ɲεmɔgɔ fana don Ɛlihaji Wɔki Jɔpu, Afiriki tilebinyanfan tɔgɔ la, FIFA biro min bε Dakaro, Sεnεgali, o ɲεmɔgɔba Harasi ani FIFA marako ɲεmɔgɔ Madamu Sara Mukuna, tɔn minnu bε « CAF » kɔnɔ olu ka ɲεmɔgɔ Zanzaki Jεni, olu jirala jama na.
Kalata in lajε daminε an’a datuguli ɲεmɔgɔya tun bε Mali farikoloɲεnajε n’a farifoni ɲεmɔgɔba Abudulu Azizi Mayiga bolo. Bulonba ɲεmɔgɔba dankan 6nan Hamidu Tarawele ani komite olεnpiki ka ciden Abudulayi Kulubali tun bε yen. Femafuti ɲεmɔgɔjεkulu bεna lajε fɔlɔ min kε, o ɲεsinnen b’u ka biro sigili ma. U mana bεn mɔgɔ min kan ɲεmɔgɔ dankanya la, o tigi de bε Mamutu Ture « Bawuye » jɔyɔrɔ fa fɔlɔ.
Dɔkala Yusufu JARA
La candidature de celui qui est donné favori vient d'être la seule validée sur les quatre dossiers préablement enregistrés.
De source fédérale, c’est une vingtaine de joueurs contactés qui ont décliné la convocation pour divers motifs. Le rassemblement démarre demain jeudi en Russie.
La sélection nationale U20 entame sa préparation pour le tournoi qualificatif de l’Union des fédérations ouest-africaines (UFOA-A), prévu du 6 au 25 octobre à Bamako..
Dans cette interview, le président de la Fédération malienne de basket-ball aborde plusieurs sujets : la qualification des Aigles Dames à la Coupe du monde 2026, les objectifs visés par l’équipe, la participation de la sélection nationale masculine à la 2è fenêtre du Mondial, le champion.
La 16è journée du championnat professionnel Ligue 1Orange s'est poursuivie, mercredi dernier, avec l'explication US Bougouba-Djoliba AC qui s’est disputée au stade Mamadou Konaté. Sans surprise, la rencontre a tourné à l’avantage des Rouges de Bamako qui se sont largement imposés 3-1, gr.
Le Club des anciens internationaux maliens de football (CIMFOOT) a procédé, mercredi dernier, à une remise d’attestations de reconnaissance accompagnée de cadeaux symboliques à deux figures emblématiques du ballon rond malien. Il s'agit de Drissa Traoré dit Poker et Moussa Keïta dit Dougou.
