Dɔgɔkun damadɔ yanni MINUSIMA dagayɔrɔ min bε Kidali, o ka latεmεn Mali sɔrɔdasiw ma, fɔɲɔgɔnkɔ cayalen don. Sanga ni waati bεε la, sɔrɔdasiw ni kojugubakεlaw bε kari ɲɔgɔn na Anefisi mara kɔnɔ Kidali masurunnaw na.
Mali sɔrɔdasiw ɲεmɔgɔso ye laseli kε, k’a jira k’u ye pankrun ta nεgε kanɲε 14 waati la, ka taa kojugubakεjεkulu dɔ bon Anefisi dafε, k’o to labεn na. Sɔrɔdasiw sera k’u ka mɔbili 4 tiɲε, ka mɔgɔ caman fana daji u la.
Kunun utikalo tile 29 san 2023, sɔrɔdasiw ka jateminε dɔ senfε, u ye kojugubakεlaw ka mɔbiliw ye jiritu dɔ kɔnɔ km12 Anefisi dafε nεgε kanɲε 8 waati la, k’u bon pankurun fε. U tun b’a la ka labεn tigε, ka dan kari sigidalamɔgɔw ani Mali sɔrɔdasiw la.
Kunnafoniw y’a jira, ko km14 ɲɔgɔnna ka surunya Ɲafunke la kεɲεkayanfan fε ka digi kɔrɔn kan, Tumutu mara la, sɔrɔdasiw ye kojugukεla lakodɔnnenba Adu Jalo sɔrɔ k’o bɔ baara la nεgε kanɲε 9 tεmεnnen ni sanga 45 ye. O tun ye mɔgɔ ye, min tun b’a la ka ɲinin kosεbε ; sabula garadiw dagayɔrɔ min bε Tumutu, a dɔnna k’a sen tun b’o bonni na ni mugu jugu ye utikalo tile 18 san 2023. A kεra muguci dan bεε ye a ni sɔrɔdasiw cε kungo kɔnɔ k’olu to k’a gεn. Nka u ye se sɔrɔ a kan. Marifa PM kelen, arajo kelen ani kisε caman sɔrɔ a kɔ.
An bε don min na, sigidalamɔgɔw haminen don u ka basigiko la MINUSIMA taatɔ in na ka bɔ Mali kɔnɔ. Tiɲε don MINUSIMA san tan ye nin ye Mali kɔnɔ ; nka a jɔyɔrɔba ma ye kojugubakε kεlεli la. Mali sɔrɔdasiw ni kojugubakεlaw ka kari ɲɔgɔn na sɔrɔdasiw dagayɔrɔw latεmεnni hukumu kɔnɔ Mali ma, o daminεna Bεri ta de senfε. U dεsεlen ka sɔrɔdasiw kunbεn k’u bali yen lasɔrɔli la, u bε k’a ɲinin k’u kanga olu ni MINUSIMA dagayɔrɔ tɔw lasɔrɔli cε.
Nin dansagowale min filε ka wara jamana kɔrɔnyanfan fε sisan, o bε mɔgɔ bila hakilijakabɔ la Alize bεnkansεbεn bolonɔbilabaaw fan fε, n’a y’a sɔrɔ u ni kojugubakεla ninnu bolo tε ɲɔgɔn bolo. Ka da a kan u n’olu ka ŋaniya juguya de kosɔn, jamana kɔrɔnyanfan bεε binna u ka mara kɔnɔ san 2012 waati la. Nka sisan, u ni sɔrɔdasiw bε ɲɔgɔn na, minnu t’a tu ka laban k’a nεεmu. Olu ko jamana kelenya !
Dɔkala Yusufu JARA
Lancée le 31 août, la 31e édition du Tour cycliste de Côte d'Ivoire s'est achevée ce samedi 6 septembre sur "un doublé exceptionnel du Mali".
Champion en titre de l’Afrobasket U16 Filles, le Mali a effectué sa 2e sortie de groupe ce samedi. Face à la Côte d'Ivoire, notre pays a fait respecter son statut de champion.
-.
Malgré la lourde défaite des Comores face au Mali (3-0), le sélectionneur Stefano Cusin reste lucide. Dans un entretien accordé à L'Essor, il est revenu sur le score, en soulignant l'écart de moyens entre les deux équipes et en insistant sur le manque d'efficacité de ses joueurs dans les zon.
Après la victoire éclatante du Mali face aux Comores (3-0) qui relance les Aigles dans la course à la qualification pour le Mondial 2026, le sélectionneur Tom Saintfiet est revenu sur ce succès. Avec une fierté non dissimulée, il a salué l'état d'esprit de son groupe malgré l'absence de pl.
Après la victoire décisive du Mali, jeudi dernier au stade municipal de Berkane, contre les Comores (3-0) qui propulse les Aigles à la 3è place du groupe I, l'attaquant Mustapha Sangaré, passeur décisif sur le premier but, s'est confié à L'Essor. Avec une lucidité impressionnante, il est re.
