O kεlen, Femafuti ɲεmɔgɔba Mamutu Ture « Bawuye » tun hakili la, ko a kelen kεra dankanda bama ɲin kurun ye utikalo in tile 29 kalatako la. Nka kunun i kɔrɔ, yεlεma donna kow taabolo la. Mamutu Ture « Bawuye » minεna kiiriso fε k’a lamara bolokɔrɔ, sanni k’a latεmεn Bamakɔ-kura kasobonba ma.
Bawuye tun ye a jɔyɔrɔ ɲininko kura kanpaɲi daminε o tε tεmεn lεrε 24 ɲɔgɔnna kan. A welela kiiriso fε k’a jalakilen don foroba nafolo burujali la. Femafuti ɲεmɔgɔba minεni k’a datugu, o bεna yεlεma don utikalo nata kalata la, ka siga don Mali sennantolantanko yεrε la. Sabula Bawuye tεna ka se ka jɔyɔrɔ in ɲinin bilen, wa mɔgɔ wεrε si tε yen yamaruya bε min bolo kala bε se ka ta min ye.
Bawuye kelen de tun yamaruyalen don Femafuti ɲεmɔgɔya ɲininni na a yεrε nɔ na. N’ale minεna k’a datugu, ko tɔ bε jalatigigεjεkulu de bolo ka dantigεli kε. Nka kunnafoni dɔw y’a jira, ko ni Bawuye ma se ka yamaruya jɔyɔrɔ in ɲininni na kokura, Femafuti sekeretεri zenerali de ka kan ka bila a nɔ na tile 60 kuntaala kɔnɔ.
O kunnafoni kelen y’a jira tuguni, ko FIFA de bε se ka yamaruya di furancεlafanga ka sigi Femafuti kunna, sanni ka kalata kura kε. A kuma cayalen don kosεbε. Bawuye kanubaa dɔw yεrε ka fɔ la, yamaruya b’a bolo halibi ka jɔyɔrɔ in ɲinin. Wa ko kala bε se ka ta a tɔgɔ la k’a sɔrɔ hali a tε kalata lajεba kεnε kan.
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
