Hali ni sariyaw bε yen ka karatu-karatu ni dannayatiɲε ɲangi, u b’a la ka sannayεyεn ka taa a fε halibi. I tε fama o ko ninnu kunnafoni ma polisisow la tuma si la. U fεrεla mɔgɔ minnu ma dannaya kɔnɔ, o caman bε nimisa la u kɔ. O de la fεrε ka di Maliden fanba ma. Maliden bε sin ka da mɔgɔ la kumakan ni yecogo kama. Karatu-karatumɔgɔw ka mɔgɔ lajabalen fanba ye musow ni jagokεlaw ye.
H. Sise y’o jagokεla dɔ ye, karatu-karatumɔgɔ dɔ ye min tεgε ko ka bɔ a ka sefawari miliyɔn 130 la fu falaki. Karatu-karatukεla in ye mɔgɔ ye, min si hakε bε san 40 ni kɔ kɔnɔ. A y’a da jagokεla caman kan o cogo la Bamakɔ n’a lamini na. Kεrεnkεrεnnenya la a tun ka jugu bakurubafeerekεlaw de ma ; n’u bε wele tubabukan na « grossistes ».
A bεna i ma, k’ale ye cakεda dɔ ka minεnɲininna ye, telefɔni dakabanaw ɲininni kɔni. Ko ale b’u bakurubasan ka taa u kɔfili o cakεda in ma, k’a ka tɔnɔ ɲinin u la. A ni minεntigi bε bεn sarati min kan, a b’a fɔ k’o da tε to ale la. Nataba fana ni sugulamini. Dɔw y’u bolofεnw labila u ye da gεlεnw na juru la. Nin ko in daminε na, a ye mɔgɔ dɔw ta bɔ a sira fε, ka se ka dannaya sinsin a fan fε. Fo a tun bε fakitiri lankolon dilan ka jira dɔw la.
Dannayatiɲε kosɔn, a ye jagokεla caman sigi a sentεgε kɔnɔ. I b’a wele ka dεsε a lasɔrɔcogo wεrε si t’i bolo. A ye jagokεla dɔw tiɲε sefawari miliyɔn 10, miliyɔn 2, fo miliyɔn 30. Nka an ka nsana dɔ b’a fɔ ko, « n’i ye hakε mεεnnen ye, a taalen bε bere kεnε tigε ». Kuluba polisisio ɲεmɔgɔ Santigi Kamisɔkɔ n’a ka cεdenw taara u tεgε da karatu-karatumɔgɔ in kan fo Moribabugu, ka segin n’a ye u ka polisiso la. O y’a sɔrɔ nisɔngoyajirasεbεn cayara u bolokɔrɔ cε in kunkan. Hɔrɔn kolon jɔra waleya cε jugu in bεε la. A ka koɲε donna Bamakɔ komini 3nan kiiritigεso bolo.
Dɔkala Yusufu Jara
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
