Lajε in kuncεli ɲεmɔgɔya tun bε kɔkanmalidenw ka minisiri Mosa Agi Atahεri bolo. Diɲε tɔgɔla cakεda min ɲεsinnen bε tungarankew kunkow ɲεnabɔli ma (OIM), o ɲεmɔgɔba Pasikali Ereyinjεni tun bε kεnε kan. Tungarankew bɔra diɲε fan caman fε ka na, jamanaw ka lasigidenw, dεmεnbaaw nafoloko ni fεεrεko la, jεkulu minnu tε politkitɔnw ye olu ka cidenw ka fara koɲεɲininnaw kan jamana kɔnɔ an’a kɔkan, nin bεε tun bε lajε in kuncεlikεnε kan.
Tile saba kuntaala hakilila falenw kɔnɔ, sisin kεra tungarankew ka baarabaw kεcogo kan jamana kɔnɔ. Poroze min bε wele u fε « FAIP », juru sɔrɔli Mali wagandeba la, lasigidenso (kɔnsulεri) kuraw dayεlεli jamana dɔw la Maliden ka ca minnu na, o kεra laɲinin dɔw ye. Jamana ka fεεrε min ɲεsinnen bε tungarankew kunko ma n’a tubabukan daɲε surun ye (Ponam) ye, a ɲininna o ka kiimε ; tungarankew bε don depitebulon ni SENA kɔnɔ cogo min na o saratiw ka dantigε ; tungarankew ka jate u damana marayɔrɔ lakodɔnnen ye ka Mali marayɔrɔ hakε dafa 20 na ; Laɲinin caman wεrεw kεra : baarakεsεbεnw ni fasodenya sεbεnw lasɔrɔli ka nɔgɔya u bolo ; hakilijakabɔkεnε dɔ sigili senkan dekεrε min y’o yamaruya, o ka waleya ; tungarankew ka lakanan ; dɔ ka fara jamanaw cε jεɲɔgɔnya kan tungarankew ladonni siratigε la ; tungarankew ka jate k’u hakε dɔn u tɔgɔlako kεtaw labεnko ɲuman kama ; ka dɔ fara dogokatungafεtaa kεlεli fanga kan ; cakεda minnu ɲεsinnen bε tungarankew kunkow ɲεnabɔli ma, olu ka baara kεtaw ɲεtaa ka sabati.
A fɔra cakεda min ka sigi tungarankew tɔgɔ la n’a tubabukan daɲε surun ye (ATCD) ye, o sigicogo an’a baarakεcogo ka dantigε.
Minisiri ka fɔ la, gɔfεrεnaman bεna a seko damajira kε tungarankew ka laɲinin kεlenw waleyali la. A bε ɲinin u yεrεw fε, u ka fara ɲɔgɔn kan, ka bεn ko la, o fana b’u dεmεnni nɔgɔya ani k’a sennateliya. A kɔlɔsilen don ko siya caman bε tunga fε ; n’u bεnna u fanga bε bonya.
Dɔkala Yusufu Jara
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
