Jamana cεfɔlaba Madamu Sanɔgɔ Aminata Male y’a ka san 2022 laselisεbεn don furancεlafanga jamanakuntigi Kolonεli Asimi Goyita bolo jamanakuntigiso la Kuluba. Bulonba kɔnseyejεkulu ɲεmɔgɔba Kolonεli Maliki Jawu, minisiriɲεmɔgɔ Dr Sogεli Kokala Mayiga ka fara minisiri caman kan, olu tun b’a kεnε kan.
Jɔyɔrɔ min bε cεfɔlaba la an ka jamana in kɔnɔ, don n’a dugu jε, gεlεya minnu bε kɔlɔsi mara kεcogo la, a ɲuman ye k’u furakε a tuma na. Degun minnu bε da mɔgɔw kan foroba cakεdaw la, olu de bε kε laɲininsεbεnw ye o tigilamɔgɔw fε ka weleli kε bεεjεfanga kiiritigεkεnε (EID) kan. Jamanakuntigi ka fɔ la, a b’i n’a fɔ bolo dara joli kan laselisεbεn in kɔnɔ.
Mɔgɔw ka laɲininsεbεnw fεsεfεsεli ka furakεcogo dantigε u la, o waleyali b’a to yεlεma ɲuman ka se ka don mara kεcogo la. Jamana cεfɔlaba ye tεmεnsira ye mɔgɔ tɔɲɔnenw bolo, k’u fεla lase jamana ɲεmɔgɔw ma. O de kosɔn, jamanakuntigi Asimi Goyita ye layidu ta, ko jateminεw ni laɲinin jɔnjɔn minnu kεra, yεlεma ɲuman bεna don u la ; kεrεnkεrεnnenya la mara kεcogo siratigε la. A labanna k’a jira, ko kɔlɔsili fanga bεna bonya foroba cεkεdaw la ani mɔgɔko la.
Ka da a kan jamanadenw ye laɲinin minnu kε sigikafɔba senfε mara cogoya la, o haminanko donna jamana sariyasunba kura kɔnɔ Mali kura jɔli hukumu kɔnɔ. Jamanakuntigi y’o waleyali yamaruya di zuluyekalo tile 22 san 2023.
Nin laselisεbεn in bε boli foroba cakεdaw mɔgɔ tɔɲɔnenw ka laɲinin kεlenw hakε, an’u cogoyaw kan. Waleya fεn o fεn ye dajirako ye bεεjεfanga kiiritigεkεnε na, o caman kofɔlen don sεbεn in kɔnɔ. San 2022 kɔnɔ, jamana cεfɔlaba ye mɔgɔ 5.230 bisimila, k’u lamεn ani ka bilasira koɲuman. Olu la mɔgɔ 2.810 bisimilala Bamakɔ faaba kɔnɔ, a tɔ 2.420 bisimilala jamana cεfɔlaba bolofaraw fε marayɔrɔ tɔw la. A bε se ka fɔ ko nɔgɔya b’a fε ka don kow cogoyaw la ; sabula san 2021 laselisεbεn kɔnɔ, jamana cεfɔlaba ye mɔgɔ hakε min bisimila Bamakɔ, o kεra 3.567 ye.
K’a daminε zanwuyekalo tile 1lɔ la ka se desanburukalo tile 31 ma san 2022, laɲininsεbεn 268 sera jamana cεfɔlaba ma. Sεbεn 195 fεsεfεsεra k’o gεlεyaw furakε ka ban pewu. A tɔ 73 fana bε fεsεfεsεli bolo kan. Jateminε na, laɲinsεbεn minnu sera jamana cεfɔlaba ma san 2022 kɔnɔ, u bε tali kε dugukoloko, hakεw sarabaliya, sannayεlεnw kεbaliya marako nasira la.
Walasa ka se ka nɔgɔya don kow cogoya la maradenw ni marabaaw cε, a ɲuman ye karan ka kε laɲininsεbεnw kɔnɔko ma, ka furakε cogo ɲuman ɲinin u la hakilisigi ka na. Foroba baaraw bε di cogo min na, ka lafaamuyaliba k’o la, dansagon ka se ka dɔgɔya kosεbε. Foroba baarakεla minnu bε kominiw tɔgɔ la olu ka kalosaraw ka sara u ye a ɲεma.
Ani fana, sannayεlεn min bε foroba baara la, ɲinε kana k’o kɔ. O ka kε cogoya ɲuman na ka kεɲε ni sariya ka dantigεcogo ye.
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
