Kibaru tun bε welelenw ma. Baara daminεna ni jεmukan « An ka Mali » kεnε sigili ye. Kulu fila ye sangaɲɔgɔnyaw kε ɲininkaliw jaabiw la. Ɲininkalikulu suguya saba kεra o kulu kelenna na. Kulu fɔlɔ tun ye muso fila ye, olu bε jεkulu la, min bε wele AFIM. Kulu filanan fana tun ye cε fila ye. Ɲininkaliba fɔlɔ welela « Aw Dan sε », filanan « Cεbɔ », sabanan « Tɔnjɔn » ani naaninan « Janjo ». O baaraw kuncεra ni AFIM ka sebaaya ye.
O kεnε wulilen kɔfε, siniman dɔ jirala sanga 20 kuntaala kɔnɔ, min bε wele « « Wolonwula ». Hadamadenya taabolo 7 don mɔgɔ min donbaa kura don mɔgɔya kɔnɔ laadaw sira fε, o ka kalikanw don kεrεnkεrεnenya la. A bε sanga muso lasiritɔ kalikanw ma jiginni kɔnɔna na. Nin b’a jira, ko laadaw jɔyɔrɔba bε an bolo halibi don nataw la hadamaden layiduko la.
Sinimanbɔ kuncεlen, Mali sinimanko cakεda ɲεmɔgɔba Fuseyini Mayiga y’a hililaw fɔ kεnε in kunkan. A ka fɔ la, nin poroze in waleyali kun ye ka dɔ fara politiki fanga kan seko ni dɔnko ɲεtaa la. O siratigε la, foli bε di kunnafonidilaw ma ; ka da a kan olu jɔyɔrɔba bε hakilila kura in jεnsεnni na, k’u bolo don a kɔrɔ k’a yanga Malidenw ka hεrε kama. A ko nafa wεrε min bε poroze in na, o ye kow lamarali ye. An bε dakun min na bi a b’o kofɔ, ani waleya minnu ka kan ka sennaminε don nataw la, a b’o fana dabaliw tigεgεli kofɔ. O siratigε la, jɔyɔrɔba bε (CNCM) na. A labanna ka foli ni tanuni lase kalandenw ma, minnu nana u senkɔrɔmadon. Ka foli fana di jama ma u yeli la kεnε in hakilila sabatili la.
O siniman min jirala jama na, a kumatigiba tun ye Hamaduni Kasoge ye. O yεrε y’a fεla fɔ nin kεnε in sigili kan. A ka fɔ la, poroze min filε nin ye, a laɲinin ye yεlεma ɲuman donni ye seko ni dɔnko la. Fεn don, seko ni dɔnko tigilamɔgɔw tun mεεnna ka sigi ka min bangeli kɔnɔ. Bi, o mɔgɔ caman bεna se ka misali ta a kan, k’a jiidi ka taa a fε. A bε sira jira bi denw ni don nata mɔgɔw la, ani k’a jεya u ma, ko mɔgɔ tε se ka fεn sɔrɔ n’i ma baara kε.
Sara bε wɔɔsi de la. Timinadiya bε baara kannabɔ. Wa sago ye sinsinni min ye nin poroze kan, si hakεyako t’a la. A dama ka kan denmisεn ni maakɔrɔ bεε la ; sabula dan t’a la. Mɔgɔw bε se k’u hakililaw fara a kan sanga ni waati bεε la k’a jiidi. O b’a to a ka se ka bange ko ɲuman wεrεw la ; n’o ye kɔrɔlenw dali ye kεnε kan wula kɔnɔ ani kalanyɔrɔw la. Ɲεɲininni de bε bɔ ni kow ye, minnu nafa kosɔn, mɔgɔw bε ba don komaɲagannaw kεwale la seko ni dɔnko nasira la.
O la, ko o ko bεna kε, o bε jate kalanso ye, dɔnniya bε sɔrɔ min na k’a sɔrɔ i ma sara bɔ. mɔgɔ yεrε de b’a ŋaniya ka don o seko ni dɔnko kalanso kɔnɔ i fεrε ma. Laɲininba ye bεε sendonni ye baara la walasa nɔ ka se ka bɔ kow la, k’a sababu kε yεlεmani kuraw ye seko ni dɔnko ɲεtaa kɔnɔ.
O de kosɔn, (CNCM) ɲεmɔgɔba min ye nin poroze in sigi senkan, a ka kan ka fo. Hamaduni Kasoge ko mɔgɔ don, ale ye min kanu kosεbε a hakilila la, seko ni dɔnko yεlεma kuraw hukumu kɔnɔ. Seko ni dɔnko ye nafolomuguba de ye Mali bolo. N’u labaara a ɲεma, a ka fɔ la, an bε laɲinin min kɔ a ka ca Ala fε o bε se ka sabati.
Dɔkala Yusufu Jara
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
