Mɔgɔ 24 kura y’u kali jumadon utikalo tile 18 san 2023 u sigitɔ ka kε jamana kiiritigεsoba tɔgɔlamɔgɔ ye. A kεra fangabulon in dagayɔrɔ la. A lajε ɲεmɔgɔya tun bε furancεlafanga jamanakuntigi Kolonεli Asimi Goyita bolo. Minisiriɲεmɔgɔ Dr Sogεli Kokala Mayiga, bulonba kɔnseyejεkulu kuntigi Kolonεli Maliki Jawu, gɔfεrεnaman minisiriw, jamana fangabulon tɔw ɲεmɔgɔw ani lasigiden minnu bε Mali kɔnɔ, olu, walima u ka cidenw tun b’a kεnε kan.
Mɔgɔ kura minnu talen filε ka don jamana kiiritigεsoba kɔnɔ, u bεna mako caman ɲε jamanadenw ani jamana yεrε tɔgɔ la. Lafasali, kiiritigε ani mara kεcogo, ninnu b’u ka kεtaw la. Awoka (lafasabaa) saba, kɔnseye kɔnɔntɔn, mara kεcogo bolofara foroba laselikεla fila, ka fara jatekow bolofara kɔnseye wɔɔrɔ kan, olu bε fara mɔgɔ 24 kofɔlenw kan.
Sigili min kεlen filε jamana kiiritigεsoba tɔgɔ la, sariya n°2026-046 min tara sεtanburukalo tile 23 san 2016, jamana kiiritigεsoba mɔgɔw sigicogo an’u ka baaraw kεcogo la, o de b’o kofɔ. A fɔra mɔgɔ o mɔgɔ bε sigi jamana kiiritigεsoba tɔgɔ la, o b’a kali jama ɲεna, min ɲεmɔgɔya bε jamanakuntigi bolo ; sabula ale de fana ye jamana kiiriko bεε kuntigi ye.
Jamana ka hakεw lafasabaa (porokirεri zenerali) Mamutu Tinbo y’a jira ko sεgεsεgεliw de bε kε mɔgɔw kan fɔlɔ k’a dɔn n’u ka hadamadenya dafalen don, n’u bε u ka baara ɲεdɔn sanni u ka sugandi. Mali kurako hukumu kɔnɔ, hali kiiritigεlaw yεrε bε se ka wele kiiriso la n’u ye dansagon kε u ka baara kɔnɔ. O de kosɔn mɔgɔ mankan k’a jigi da a jɔyɔrɔ cogoya kan bilen, k’i sago kε mɔgɔ wεrε la. A bε ɲinin sariyakow dɔnbaa bεε fε, u ka baara kε ni tilennenya ye. Ka da a kan kalikan ye fεnba ye an danbe kɔnɔ.
Mɔgɔ b’a kali cogo min na o filε : « Ne b’i n kali, n bε n bilakun kε a kεcogo la, k’a kε damakεɲε kɔnɔ n tε da mɔgɔ kɔkan jamana sariyasunba labatoli kama, ka gundolamara kε baara kɔnɔ, mɔgɔw ko tan, n tε baara kε n’o ye, n tε mɔgɔ minε ni n yεrε kelen hakilila ye kow la, jamana kiiritigεsoba kunkanko la, wa n bε n yεrε to kiiritigεla hɔrɔn ni tilennen dabolo kan ».
Jamanakuntigi ye foli ni tanuni lase mɔgɔ sugandilen ninnu ma dannaya dali la u kan. Ka laban k’a ɲinin u fε, u k’u seko kε u jɔyɔrɔw fali la jamana ka nafa kama. Taabolo kura kɔnɔ, n’i ye baara ɲuman kε, i ka kan ka tanu o la. N’i yεrε ye baara jugu kε, i ka kan ka ɲangi o fana na.
Dɔkala Yusufu Jara
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
