Kεnε in sigili daminεni lajε ɲεmɔgɔya bε furancεlafanga jamanakuntigi Kolonεli Asimi Goyita bolo. Walasa ka se ka nin kεnε belebele in ɲεsigi, kɔkanmalidenw ka jεkuluba (CSDM) ye tile kelen wulikajɔ ni foli lase a ka tɔndenw ma kunun, minnu bɔra diɲε jamana 15 kɔnɔ ka se yan : Faransi, Etazuni, Alimaɲi, Siniwajamana, Nizeriya, Lajinε, Nizεri, Gine Ekuwatoriyali, Kɔnɔwari…
O wulikajɔ in senfε, kɔkanmalidenw ka jεkuluba ɲεmɔgɔ Mohamεdi Serifu Hayidara ye foli ni waleɲumandɔn kε ka ɲεsin Kolonεli Asimi Goyita ma, ka da a hakililaw kan ani a sendonni nin sigikafɔba labεnni na tungarankew tɔgɔ la. Malidenw ye sigikafɔba min kε ni laɲinin 517 kεra, furancεlafanga y’a jira k’a bεna a seko kε 54 waleyali la.
(CSDM) ɲεmɔgɔ ka foliko dɔ kεra kɔkanmalidenw haminanko gεlεn dɔw waleyali ye kaban, wa dɔw fana bε waleyali sira kan. Minnu waleyara, o dɔ ye kɔkanmalidenw yeli ye bulonba kɔnseyejεkulu kɔnɔ, juru sɔrɔli Mali tungarankew fε faso wagandenba la, k’a sara san duuru dafalen kɔfε ni tɔnɔ 6,5% dali y’a kan. O waleya in ye nafolo sɔrɔsira fana ye gɔfεrεnaman fε, k’a tanga gɔrɔgɔjuru tali ma cogoya wεrεw la.
Poroze wεrεw sigili senkan, o ŋaniya tara. N’o ye banki dɔ dayεlεli ye tungarankew tɔgɔ la, u ka se k’u to tunga fε ka baarabaw kε Mali kɔnɔ. Ka da nin waleyaw kan jamanakuntigi fε, (CSDM) ɲεmɔgɔ k’a jigi b’a kan tuguni, nin sigikafɔba min daminεna bi utikalo tile 17 n’a bεna kuncε kalo tile 19, jamanakuntigi ka jɔ u kɔkɔrɔ.
Dɔkala Yusufu Jara
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
