Minisiri fila ninnu y’a jira u ka bataki in kɔnɔ taratadon, ko zuluyekalo tile 26 san 2023, Nizεri y’a ŋaniya ka yεlεma don fanga cogoya la nɔgɔya la, mugu ma ci, joli ma bɔn, jamana ka yεrεmahɔrɔnya ka se ka segin a ma.
O waleya in bεnna jamanaden tɔw ma, u b’a la ka fara fangatala kuraw kan sanga ni waati bεε la. O bε ka kɔlɔsi tuma o tuma wulikajɔw la jamana kɔnɔ an’a kɔkan, k’u ka dεmεn ni senkɔrɔmadonni ɲεsin u ma. Ka da kow taacogo kan o la, Mali ni Burukina Faso kɔkankow minisiriw y’a jira ko Sedeyawo (CEDEAO) bε k’a pan sariyaw kunna, k’a ɲinin k’a labεn, k’a bεna kεlε bin Nizεri kan, ka fangatala kuraw gεn ka bɔ yen, ka jamanakuntigi kɔrɔ Mohamεdi Bazumu sigi a nɔ na jamana kunna.
Sedeyawo hakili la k’o ye demokarasi labatoli ye ; kasɔrɔ Kɔkanjamana senkolow dogolen b’a kɔfε nin waleyali in na. I n’a fɔ u y’a kε cogo min na Libi san 2011, k’o jamana ci, ka kojugubakεlaw yεrεkε Sahelikugo kɔnɔ. Libikεlε kɔlɔlɔ kεra fεn minnu ye, halibi jamana kelen tε ka sɔrɔ, min jɔra u kɔrɔ. A kεra sababu ye ka tasuma don Sahelikungo fan bεε la. Marifatigiw bε dansagonwalew la a jamanaw kɔnɔ, minnu t’u ka sɔrɔdasiw ye.
O de kosɔn Mali ni Burkina Faso furancεlafangaw jεra ka laselisεbεn n°001 labεn zuluyekalo tile 31 san 2023, ka kangarimadali kε Nizεri kεlεli kɔlɔlɔw la Sahelikungo mumε kan. Nizεri ye Mali ni Burukina Faso badenjamana ye, u sigiɲɔgɔnjamana don. U tεna jεn n’a ye Sedeyawo ka manamanakεlε wuli o kama k’u sigilen to k’u bolo fila da u sen kan. A kεra Sedeyawo walima jamana o jamana ye, n’i y’o kε i bεna Mali ni Burukia Faso jɔlen sɔrɔ i ɲε. Nizεri kεlεli nin ko in na, o bε se ka na ni Sedeyawo yεrε cili ye.
O de la Mali ni Burukina Faso furacεlafangaw b’a ɲinin ONU ka basigi sabtilijεkulu fε, u k’u jɔ u jɔyɔrɔ la ka kεlε in bali, n’u ka laɲinin ye bεn ni lafiya sɔrɔli ye diɲε kɔnɔ. N’u y’a to kεlε ka bin Nizεri kan u sigilen ɲεna, dan fosi tεna ye a kɔlɔlɔ la.
A bε ɲinin basigi sabatilijεkulu fε, a ka hakili ɲuman sɔrɔ nin ko in na. Kojugubakεlaw ka masibaw bε yen, n’a fɔra kεlε suguya wεrε ka na fara o kan, kasɔrɔ Nizεri jamanaden tɔw ni a sigiɲɔgɔnjamanaw bε fanga kura fanfε, Nizεri kεlεli tεna bange ɲuman na.
Mali ni Burukina Faso ka laɲinin ye fura ka se ka sɔrɔ Nizεri kunkanko in na nɔgɔya la fɔkabεn kɔnɔ. O de kε se ka bange bεn ni lafiya sɔrɔli la Nizεri n’a lamini na, ani Sahelikungo mumε kɔnɔ. U ye nin bataki ɲɔgɔnna fana ci Afiriki kelenya tɔnba « UA » ma.
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
