Zayi ye sεnε kεcogo fεεrε dɔ ye min bε ka waleya Afiriki tilebinyanfan fε ; kεrεnkεrεnnenya la, dugukolo jalanw kan. I bε dannidingεw senni ka bila sanji minεni ani danfεnw nafamafεnw ka se ka basigi u kɔnɔ. Zayi ye Mɔsikan daɲε ye Burukina Faso. Fεεrε in daminεna yen de. A kɔrɔ ye « dingε ». A bε dabɔ ka dugukolo jalanw kε yɔrɔ nafamaw ye sεnε nasira la. A bε dɔ fara sεnε sɔrɔ kan ni danfεnw nafali ye kosεbε.
Sεnεkεla bε dannidingεw senni, minnu dunya b’a la santimεtεrε 15 la ka se 30 ma, u koorilamini fana b’a ta santimεtεrε 20 na ka se 50 ma, ka mεtεrε kelen don dingε kelenna cε. Dingε dɔw yεrε koorilamini bε santimεtεrε 70 bɔ ; nka olu dabɔlen bε nakɔlafεnw kama. Dannidingεw mana senni kaban, nɔgɔ bε don u kɔnɔ ; kεrεnkεrεnnenya la farafinnɔgɔ ; n’o ye baganbow, ɲamanw ani tolinɔgɔ ye, ka dugukolo nafa. U bε sɔrɔ ka danni kε dingε ninnu kɔnɔ, walima ka jiriw turu u kɔnɔ. Ni sanji nana, dingεw bε se ka fa ji la, ka nεεnε basigi yɔrɔ la, nɔgɔ fana bε toli a ɲεma, ka sumanw nafa.
Mali sumansiko n’a jirisiyεnko cakεda (IER) ɲεmɔgɔba Dr Kalifa Tarawele ka ɲεfɔli la, zayi bε kε Mali fan caman fε sisan ; nka a ka ca jamana cεmancε an’a kɔrɔnyanfan de fε kosεbε, ka da o dugukolow tiɲεcogo kan. Yenyɔrɔw fana ye dugukolo jalanw ye.
Hali ni yɔrɔ jalan don, zayi b’a to sεnε ka se ka kε a kan ni wasa ye. Nafa wεrε bε zayi la.
A bε sumansun tanga fiɲε kolonw ni dugukolonɔ kɔlɔlɔw ma. Bin juguw ni tiɲεnikεfεnw fana tεna se ka dadigi sumanw na kosεbε. O la, sεnεkεla tεna jɔrε ni binbɔ ye walima fεɲεnamafagalanw sanniko. Zayi bε se ka 50% fo 60% fara foro sɔrɔ hakε kan. Kunnafoniw y’a jira ko zayi kosɔn, keningeforo dɔw sɔrɔ b’a ta tɔni 1,5 la ka se tɔni 2 ma.
Zayi tε ka kε Mali fan minnu fε, i b’a sɔrɔ o sεnεkεlaw bε kabakurunsiraw de da ka caya. Mali sεnεkεla 80% tε zayi kε. O b’a jira ko Mali sεnεkεla fanba sinsinnenba tε a kan.
Rédaction Kibaru
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
